Ang isla ni Klingklong

Malinawon na karon ang hunahuna ni Klingklong nga ania na siya magpuyo sa Isla nga nag-inusara nga may gilapdong mga usa tingali ka ektarya bana-bana pa niya. Aduna kini mga lubi ug ubang fruit bearing trees.  Ambot kinsa kunoy nagtanum ini? Mga langgam ra kuno tingali kay wa man gyud siya’y tawo nga nakita sud sa 5 ka adlaw na niyang pagpuyo dinhi. Mabuhi na kuno siya ini ubanan sa iyang  pagpanagat. May bangka man pod siya, pana, pukot, taga ug may panglabyog pa gani siya’g tamala.

Mibiya siya sa ilang dapit tungod sa kahiubos nga wa gyu’y misugot niyang mga tsiks. Kana tungod kay aduna lagi kuno siya’y nawong nga way mahigugma bisag siya. Milapas na sa kalendaryo ang iyang edad nga mao poy iyang gihuwat aron pagdawat nga wala’y gigahin nga babaye alang kaniya ang panahon nga maligwatan niyag liwat. Para ihi lang gyud kuno ning iya.

Maayo kuno dinhi nga magpuyo siyang mag-inusara kay wa na kuno siya’y makita nga makabudlot sa iyang mata, makapatulo sa iyang laway, makapanganga sa iyang baba, makapasakit sa iyang pus-on ug makapagahi sa iyang purol nga bisag unsaon di gyud niya matilawan ug maangkon.

Apan usa nalang niana ka banagbanag, pagmata ni Klingkong dinhi sa isla nga usa sa 7,101 islands sa Pilipinas. May nakita siyang usa ka dagsa nga gwapa, puti ug seksi nga pagkababaye. Iya kining gihimulsohan. Taudtaod miagulo ang babaye.

“A-Asa ko? Unsa kining lugara?” matud sa babaye. Luya pa. Wa motubag si Klingkong.

“K-Kinsa ko?” Misakit ang ulo sa babaye ug nalup-og.

“Ikaw ang akong asawa!” Daling tubag ni Klingklong ug gikugos kini niya padung sa iyang payag. (Kataposan)