Nagkataw-anay pa ang tulo ka dalaga samtang naligo. Wala gayud sila masayud nga adunay mga mata nga nagsud-ong kanila. “Tan-awa og may magpaingon dinhi day ha kay hukason nako ang akong T-shirt uy sabal kaayo,†matud sa usa ka babaye.
Miginhawa’g lawom si Arnel samtang padayong naglili sa lungag dihang gihukas na sa babaye ang iyang T-shirt. Mipaspas ang gininhawa ni Arnel tungod sa grabeng kahinam. Gisiga’g maayo ni Arnel ang iyang mga mata aron sa pagbusog niini sa maanindot nga talan-awon.
Miatubang kang Arnel ang babaye nga wala nay sapot sa ibabaw nga bahin samtang nagsige kini’g panglugod sa iyang dughan, bukton ug sa tiyan.
Mitalikud ang babaye sa duha niya ka kauban ug didto miatubang sa koral apan wala siya masayud nga luyo sa koral may mga mata diay nga nagsud-ong kaniya.
Wala mamilok si Arnel nga nagsud-ong sa madanihon kaayo nga talan-awon. Taud-taud, gikab-ot sa babaye ang tualya nga gisablay niini sa koral. Gipunting kanunay sa panan-aw ni Arnel ang bahin sa babaye nga ubos sa iyang pus-on.
Misamot nga nag-abot na gayud ang gininhawa ni Arnel dihang iyang nakita nga gihukas na sa babaye ang nipis nga panapton nga maoy nagsalimbong sa labing pribadong parte sa iyang lawas.
Unya gikawhat sa babaye ang uga nga underwear nga diha ra diay niini gisangit sa ngilit sa koral tupad sa gibutangan ganina sa tualya.
Nagpanglad-ok sa laway si Arnel ug napahit niya ang kaugalingon niya nga ngabil samtang nagsud-ong sa kaanindot sa talan-awon. Gisul-ob sa babaye ang uga niini nga underwear samtang padayong nag-atubang kang Arnel.
Human niini og sul-ob sa nipis nga panapton, diha pa nga nagtapis sa tualya ang babaye. Anam-anam na nga midan-ag ang kahayag. Nakita ni Arnel nga hitsuraan ang maong babaye.
May nangabut na nga mga tawo nga maligo usab sa puso. Mao usab ang pagpanglakaw sa tulo ka babaye. Diha pa si Arnel mibiya sa iyang nahimutangan.
Nagyuko si Arnel nga mibalik sa ilang balay subay sa ilawom sa labong nga dahon sa kamaisan. “Uy, diin ka man Arnel nga wala ka man sa imong kwarto pagtan-aw nako sukad pa kaganina,†gisugat si Arnel og pangutana sa iyang inahan.
Nagkabunga-bunga si Arnel sa pagtubag apan nakakita ra siya’g rason. Iyang giingnan nga didto siya sa puso ug may gikaestorya nga sayo kaayo’ng naligo.
Gitug-anan ni Arnel ang inahan nga ang tulo ka babaye nga sayo kaayo nga naligo maoy iyang gikaestorya. “Ah, mga pag-umangkon sila ni Caridad. Gusto ka nga ipaila-ila nako kanila, moadto man ko karon sa ilang Mare Caridad.†- Sumpayan