Magbuot ka!
Ngano man nga kun makasud mo’g kan-anan, saba man kaayo mo? Mura ma’g kamo ray tawo sulod sa kan-anan!†malagutong sukot sa lalaki nga customer sa pagduol sa lamesa nilang Betty, Agnes, Debra ug Carmi. Human na sila’g kaon og snacks ning sayong kahapunon. Unya saba kaayo sila. Dagko kaayo’g katawa. Maniyagit sa kalipay kun unsay nalipayan nila. Magsininggitay sa kalipay.
Mga sales representative man gud sila’g food supplement. Unya inig kahuman sa ilang mga lakaw, magtagbo dayon sila ining kan-anan nga fast food restaurant. Kay bugnaw ang aircon. Mangaon sila. Unya inig kahuman, mag-indigay dayon sa ilang halin ug ganansiya. Puro sila dagko’g halin ug ganansiya. Mga dalaga nga wa pay uyab. Kay grabe makapa-attract og attention.
“Magbuot ka?†tubag ni Brenda nga maoy pinakamaldita sa ilang grupo.
Nitindog siya ug niatubang sa hamtong na nga tawo.
“Pak! Pak!†Nipaka kaduha ang nawong ni Brenda. Gisagpa’g balibali ginamit ang tuong kamot sa lalaki.
Isog kaayo iyang tinan-awan. Daw way gikahadlokan. Singkuwentahon na siya. Semi opaw ang buhok. Maskulado og lawas nga haom sa iyang T-shirt nga asul. Praktisado. Mura’g nagsige’g work out. May nagbagal sa kilid sa hawak sa iyang maong nga karsones.
“Usbag sulti nga ‘magbuot ka’ kay usban sab tika’g sagpa wa’g tuo†sa tawo. Kalma na ang tuno. Mura’g wa nay kalagot.
Wa katingog ang upat ka dalaga. Nangahilom. Nangluspad. Nanglipaghong si Betty. Daw giugbok sa gibarogan. Ang ubang mga customer nahalingi nila ug naghunghunganay.
“Nganong nanapat ka man og babaye?†sukot sa sekyu nga lalaki ngadto sa tawo. Nakalitan sab ang sekyu nga nagbarog sa pultahan. Ug niduol dayon sa likod sa tawo.
“May katungod ko sa pagdisiplina ini. Kay ako ning anak!†sa tawo nga niatubang sa sekyu. Unya nagtudlo ni Betty.
“Maayo pa mogawas na lang ka kun human na ka’g kaon†sa sekyu. Nihikap sa pul-an sa rebolber nga iyang gitakin.
“Nisulod ko’s kan-anan aron maka-snacks ug makarelaks. Makadukaduka og kadiyot. Unsa bang nia may tawong way konsiderasyon sa isig ka tawo. Puwerte mang sabaa nga mora’g nakatag-iya og kan-anan. Makaaburido sa utok!†sa tawo.
Nibalik sa iyang lamesa. Gipunit ang libro ug antiyohos ibabaw sa lamesa.
Daghang customer sa kan-anan. Maihap na lang sa tudlo ang mga bakanteng lamesa. Apan puwerte nang hiloma. Gitan-aw nila ang tawong nanagpa. Way nipalag. Kay nagbagal ang pistolang 45 kalibre sa iyang walang kilid. Mura’g military ang maong tawo. Maong nagpanagana ang sekyu sa pagbunot sa iyang armas. Kay basig siya hinuoy maunay niini kun madis-armahan. Nigawas ang tawo nga nagpanglingi sa sekyu ug sa lamesa ni Betty.
Paglabay sa lima ka minutos, naghunghonganay ang grupo ni Betty.
“Imo diay tong amahan,†ni Debra.
“Patay na akong amahan. Wa ko kaila adtong tawhana,†ni Betty. Nagpanghikap sa tuong aping.
“Di gyud diay ta angay magsabasaba sulod sa kan-anan,†ni Agnes.
“Kay duna gyu’y tawong maglagot. Unya di kapugong sa kalagot,†ni Carmi.
“Ipa-blotter to ninyo! Violence against women,†sa sekyu nga niduol og balik human nanira sa pultahan.
“Otro sab ka! Talawan,†ni Betty.
“Giarestar unta to nimo. Physical injuries na gud to iyang gibuhat,†ni Carmi.
“Nakatuo man ko nga anak niya iyang gisagpa,†sa sekyu.
“Pero leksiyon na gyud to ninyo. Kamo ra man gyu’y grabe kasabaan kun makakaon dinhi. Nakatimaan na man ko ninyo,†dugang sa sekyu.
Nangahilom ang upat. Nihinay og panghipos sa ilang mga dalang mga sinaw nga paper bag. Nanggawas. (Kataposan)
- Latest
