Single Parent

Gula 6

Wala na’y pugong-pugong ang pagparayganay nila ni John ug Jessyl sulod sa cottage. Basa pa ang ilang kalawasan apan wala nila kini panumbalinga.

Tungod sa grabeng kalalim nga ilang gibati, daw nakasugnib kini og talagsaong kainit sa ilang kalawasan. Nahuna-huna ni John nga dili na g’yud mobalibad si Jessyl kun iya kining hangyoon.

Hinay nga gipahigda ni John si Jessel sa katre nga kawayan ug didto gipadayon nila ang pagparayganay. Kilas na kaayo ang mga kamot ni John nga nagpanghiram sa kalawasan ni Jessyl.

Bisan og bisi kaayo sila sa pagparayganay apan mainampingon sila nga dili gayud makamugna og kasaba. Hasta ang ilang gininhawa daw pinugngan.

“I love you John,” nakatuaw si Jessyl dihang gipagilokan siya pag-ayo ni John. Wala motingog si John dihang giingnan og I Love You ni Jessyl sanglit kalit nga misantop sa iyang kaisipan ang iyang asawa.

Inay motubag ni Jessyl, gipaspasan niya ang pagpabatyag og kalalim ngadto sa iyang partner. Nakabantay si John nga ingon sa wala na mahimutang si Jessyl.

Ang iyang naalinggatan ni Jessyl mao usab ang nagsugnib og dugang kaikag nga mohimo pa og dugang gilok ngadto sa babaye.

Wala g’yud kapugong si Jessyl nga naka-agulo sa grabeng kalalim. “Ayaw’g saba,” hagawhaw ni John ngadto ni Jessyl dungan sa paghimo’g sinyas pinaagi sa tudlo nga gibutang sa iyang ngabil.

Igo lang mipahiyom si Jessyl ug dayon miunay pagpaak sa iyang mga ngabil. Bansay kaayo si John sa pagpabatyag og kagilok sa babaye mao nga wala gayud mahitabo nga gibuwagan siya’g babaye nga iyang gikarelasyon. Siya gayud ang mobuwag niini.

May nabantayan si John nga daw dili na maagwanta ni Jessyl ang grabeng kalalim nga iyang gibati mao nga nahukman ni John nga iya na nga ipabatyag kang Jessyl ang makatagbaw nga kalipay.

Daw mikilisiw si Jessyl. Gibuhian ni John ang usa ka halawom nga gininhawa nga daw sama sa nakaabot na siya sa kinatumyan sa bukid nga iyang gitungas.

“Grabeha nimo John uy... mora ko’g miabot sa langit,” wala gayud mauwaw si Jessyl nga mitug-an kang John sa iyang gibati.

Mipahiyom lang si John kay dili siya gusto nga makamugna’g kasaba. “Mangaon ‘sa ta kay aron mobalik ta’g kaligo kay maayo lawom pa ang dagat,” iyang giingnan si Jessyl. Miyango si Jessyl ug mikawhag sa tualya nga gisablay sa lamesita. –(Sumpayan)