Gula 114
Daklit nga nahiugbok si Albert. Dili niya mahimong solohon pagpas-an ang iyang problema. Bug-at ra kini alang kaniya.
“Kadiyot lang, Brod Eking,†kalit nga sangpit-hawid ni Albert sa iyang higala nga ingon sa nangluod nga hapit na mogawas sa pultahan.
Wala mopadayon paggawas si Eking ug mihunong kini didto sa baba sa pultahan pagkadungog sa tingog ni Albert nga mihawid kaniya.
“Ma, mohangyo ko nimo,†giingnan niya ang iyang inahan, “biyai una kami si brod Eking.â€
Igo lang mitutok si Nang Gloria kaniya. Unya mibalhin ang mga mata niini ngadto kang Eking ug dayon migawas sa kuwarto.
Mihinay si Eking sa pagduol sa nahimutangan ni Albert. Misantop karon sa iyang hunahuna nga nagsabak gyud si Vanessa ug mao kini ang nakahasol pag-ayo kang Albert.
Apan nakugang si Eking sa dihang gisuginlan siya ni Albert mahitungod sa kahimtang ni Vanessa.
“Mao kana, Brod, may tuno sa kapait ang tingog ni Albert nga miasoy sa nahitabo. “Namatud-an sa usa ka espesyalistang doktor nga naghupot si Vanessa og HIV, ug hasta ako apil sa unsa mang mahitabo kaniya. Mao diay kini ang hinungdan kun nganong milarga si Vanessa kauban sa iyang amahan sa Manila, apan sa Bicol ang ilang gitug-an kanako, Brod.â€
“Ah, mao ba. Dili mo kana sala, Brod,†matud ni Eking nga wala makaagpas sa buot ipasabot ni Albert. “Nakuha man kaha diay kadto niya sa iyang ex-boyfriend. It means nga dili ikaw ang nakatakod kaniya.†-- Sumpayan pa