Nagdungan pagpangaon sila si Marco ug Charisse. Wala modungan kanila ang mga ginikanan sa dalaga kay gibati og kauwaw kay lagi taga siyudad si Marco.
Human sila makakaon, gihangyo ni Marco si Charisse nga ubanan siya pag-adto sa training center sa Barangay Taptap. Wala mobalibad si Charisse.
Gipananghid ni Marco si Charisse ngadto sa iyang inahan nga iuban kini niya sa pag-adto sa training center. Tuod misakay sila si Marco ug Charisse sa kotse ug misirit sa training center.
Napugos si Marco sa pagpatoo nga tinuoray siya nga mitan-aw sa training center sa dakbayan didto sa Barangay Taptap aron adto ang mga kawani sa ilang kompaniya maghimo’g seminar.
Apan wala sila magdugay didto. “Gusto unta ko mopalit og mga lab-as nga utanon ug prutas layo ba gikan dinhi ang tyanggihan,†ni Marco pa. “Aw tua sa unahan ang baligyaanan. Dunay gamay nga merkado diha sa atong agianan apan ma Domingo lang ang tyanggi,†ni Charisse.
Misirit sila si Marco ug Charisse paingon sa unahan pa sa Cantipla. Gilabyan ra gani nila ang balay nila ni Charisse. “Mora man ta ani og nagsuroy-suroy lang dinhi sa bukid,†matud sa mapahiyumon nga si Charisse.
“Ang tinuod Char, ikalipay ‘sab nako nga makig-uban ko kanunay kanimo. Inigpauli nako karon, magmingaw na ko,†mora’g may pagka subo ang tingog ni Marco nga nagpadayon pagmaneho sa sakyanan.
Sa unahan, nalantawan ni Marco ang daplin sa karsada nga adunay puthaw nga barandilya. “Pwede ba og manghunong usa ta Char? Gusto ko nga motan-aw sa kinaubsan,†matud ni Marco.
Nanaug sila sa kotse. “Nakakita ka sa kinaubsan Marc? Kanang daghang punoan sa mangga naa na sa among yuta,†giingnan ni Charisse si Marco. Gisanawan si Marco sa paglantaw niya sa kinaubsan.
Gigunitan niya ang bukton ni Charisse. “Ayaw kaayo paduol sa pangpang kay basin og suyopon ka sa hangin paingon sa ubos,†giingnan ni Marco ang dalaga. “Naanad na mi ani Marc uy.â€
Taud-taud, may mihunong nga motorsiklo sa ilang tungod nga adunay sakay nga babaye’g lalaki. “Char, dunay disco unyang gabii sa silingan nato nga sityo, adto ta ha?†matud sa babaye nga nag-angkas sa motor.
“Oo tuod no?†matud ni Charisse. Gisuwayan og imbitar ni Charisse si Marco nga motambong sa disco. “Kinasing-kasing ba ang imong pag-imbitar nako Char?†matud ni Marco nga mitutok sa dalaga.
“Ugma ka na lang pauli sa siyudad Marc,†matud ni Charisse. May nahuna-hunaan si Marco. “Husto, ugma na lang ko mopauli unya magkuyog ta sa siyudad kay ipaloap nato ang imong scholarship. – (Sumpayan)