Kaliwat ra diay

Dear Tita Salie,

Hello! I am an avid reader of your column. Ganahan kaayo ko magsige og basa sa mga problema sa uban, Tita, kay at least akong masayran ang kasagaran nga problema ug kahimtang sa uban. At least duna pud koy makat-onan sa  imong mga tambag kun unsaon pagsulbad ang maong suliran.

By the way, just call me Akisha, I am still single. Naa koy boyfriend ug mao gyod kini ang nakapaaghat kanako nga magpatabang kanimo. Love man god kaayo nako kining akong boyfriend. Ug tungod kay love, duna gyoy nahitabo kanamong duha, Tita, kay wala gyod kapugngi ug nagpadala sa among gibati.

Apan karong bag-ohay lang nasayran sa pamilya sa akong boyfriend ang among relasyon ug misupak gyod sila nga amo kining ipadayon tungod kay kaliwat ra kuno mi. Wala pa masayod ang akong pamilya ug kaliwatan sa among relasyon, Tita. Apan nasayod nakong daan nga mosupak usab sila.

Unsaon man namo niini, Tita, nga duna na ra bay nahitabo namo ug love  kaayo namo ang usa’g-usa? Palihog pasabta ko sa angay namong buhaton. Thank you very much and may God bless you always.

* * *

Good day, maayo unta kun imong makuhaan og pagtulon-an ang imong kasinatian, ug hinaot unta nga mabasa usab sa uban ang imong suliran aron usab dili na sila mahitumpawak sa parehong sitwasyon nga imong giantos karon. Nga sa dili pa kita mosulti og gugma ngadto sa atong amiga or kun dili pa nato sugton ang nanguyab kanato dapat ato gyod unang usisahon pag-una ang mahitungod sa pagkatawo sa nanguyab kanato o sa atong gipanguyaban. Dapat atong mailhan usab ang mga ginikanan ug pamilya niini ug lakip na ang iyang kaliwatan. Inyong subayon pag-una ang inyong kagikan isip timaan nga gusto nimong mailhan ang tinuod nga pagkatawo sa nangulitawo kanimo.

Inyo na lang tan-awon ang inyong blood relation kun unsa mo kaduol. Inyong subayon kun asa mong dapita nahimong paryente ug unsang hitaboa nga imo man siyang kaliwat.

Ayaw lamang kamo kabalaka kun ugaling medyo layolayo na ang inyong blood relasyon tungod kay puyde na kamong kaslon. Kay sa atong bag-ong balaod karon hangtod 3rd degree cousin ila nang dawaton ug mamahimo ra silang  minyoon.

Ang inyo na lang  buhaton mao nga inyong pasabton ang inyong tagsatagsa ka pamilya kabahin sa maong kabag-ohan kay nakaseguro ko nga lisod gyod nilang dawaton ang maong kausaban. Mas maayo kun samtang sayo pa inyo na kining maestoryahan aron dili magkaanam og kalisod ang kahimtang.  -- Tita Salie