Surprisa sa adlaw sa gugma
Tok tok tok! Jake ablihi ko!†may nanoktok sa pultahan sa balay nga gipuy-an ni Jake. Nadungog niya ang tingog ni Mrya. Bag-o lang si Jake nga nigawas sa banyo human naligo. Nagtapis na siya og tualya nga nag-abli sa pultahan rong buntaga.
“Moipon na lang ko nimo, Jake. Kay wa na man koy kapaingnan†ni Myra nga nagtibi ug minghoy ang nawong. Nagbitbit og bag nga gisudlan sa pipila niya ka dalang sinina. Napatiurok si Jake nga nagsud-ong sa hinigugma.
“Moagwanta man kaha kas akong kapobre? Wa ko’y trabaho. Way nahumang kurso. Nagsalig lang sa akong uyoan†ni Jake nga nagpahiyom nga nipadayon sa iyang hinigugma.
Tinood nga wa nay kapaingnan si Myra. Mabdos na siya’g lima ka buwan. Gihinginlan siya sa Lola Pina niya kansang balay diha siya nagpuyo. Wa na siya dawata ug gisalikway siya’s iyang mga ginikanan. Unsaon siya man gyuy moadto sa balay sa lalaki halos kada gabii. Unya kaadlawon o sayong buntag na mauli.
“Mas maayo pang burikat kay kanimo, kay kada bila makakuwarta. Ikaw, grabe pas burikat. Kay nagpakasta nga libre, sa lalaking way silbi!†matud sa Lola Pina niya sa paghingilin sa dalaga.
Klasmet ni Myra si Jake sa hayskul. Dugay na silang nagkahinigugmaay. Nakagradwar si Myra og kursong HRM. Unya si Jake igo lang nakahuman og hayskul. Wa nipadayon sa kolehiyo. Si Myra kasamtangang naghulat sa tawag sa mga giaplayan. Samtang naghulat sa tawag, sige silang dimdim sa himaya sa balay sa uyoan ni Jake. Tagsa ra man mohigda diha ang Tiyo Ponso ni Jake kay bise sa negosyo.
“Di ba nisaad man ka nga kun mamabdos ko, mangita kag trabaho alang sa mamahimo natong anak?†ni Myra dihang nagdungan sila’g pamahaw.
“Natural nga suportahan ko gyud nang atong anak. Ug edukahon ug disiplinahon pa gyud. Kay magdugang unya nas mga badlongon sa kalibutan!†ni Jake nga mapahiyomon. Naigking si Myra. Nisikad ang bata sa iyang sabakan.
“Daw nalipay ang bata sa imong gisulti†ni Myra. Nakapahiyom.
“Di na lang ko mamugos nga imong pakaslan. Kay ikaw ra man say nag-ingon nga dili na uso ang kasal†ni Myra. Nihigop og kape.
“Di lang una ta maghisgot anang kasal. Pero sa tukmang panahon, masayod ra unya ka†ni Jake. Niinom og tubig kay busog na. Nitindog.
“Bilin lang una ka dinhi kay may asikasohon pa ko†ni Jake.
“Hapit na ra bang Valentine’s Day†ni Myra nisunod og tan-aw sa hinigugma.
“Mao lagi. Pero mag-date gihapon tas Valentine’s Day. Ubang adlaw, sige man gani ta. Valentine’s Day pa hinooy dili†ni Jake. Mapahiyomon.
Alas otso sa buntag Pebrero 14. “Pag-ilis og pormal nga sapot. Kay manuroy ta†ni Jake ngadtong Myra.
Niadto sila sa opisina sa Local Civil Registrar. Namirma og application for marriage license. Hilabihang lipaya ni Myra. Nanglugmaw iyang mga luha sa kalipay.
“Abi man nako’g mahimo kong inahan nga dili asawa†ni Myra nga nikapyot og gakos ni Jake.
“Paghinay, basig makuhaan ka!†ni Jake nga mapahiyomon.
Engrande ang kasal nila. Bestman ang tiyo ni Jake. Maid of honor ang Lola ni Myra. Imbitado tanang kahigalaan ug paryente ni Myra. Adunahan diay si Jake.
Bugtong siyang anak ug nakapanunod og dakong kalubihan. Empleyado lang niya iyang tiyo ug sweldado niya sa pagdumala sa negosyo ug tanang kabtangang napanunod ni Jake.
Ang balay nga gipuy-an ni Jake, napanunod sab niyas iyang ginikanan. Gipalutaw lang niya nga iyang uyoan nga ulitawong guwang ang tag-iya.
“Mabuhi ang bag-ong kasal!†hugyaw sa mga inimbitar sa paggawas nila sa simbahan. (Katapusan)
- Latest
