Diha untay ipangutana si Nang Gloria kang Albert apan wala na kini malitok sa iyang mama. Mura’g dihay mihawid nga pagduhaduha sa dila niini.
“Nakakaon ka na?†lain ang gipangutana sa inahan nga mibalik pagtan-aw sa telebisyon.
“Wala pa, Ma,†mubong tubag ni Albert.
“Pagkaon na didto,†matud sa iyang mama Gloria. “Gitabonan ko lang ang imong pagkaon sa lamesa.
Wala motingog si Albert.
“Kaon na, Albert,†subling agda sa iyang mama. “Basi’g mapasaran ka sa gutom.â€
Mihinay pagtindog si Albert ug mipaingon sa kosina. Sa ibabaw sa lamesa, nakita niya ang mga pagkaon nga gitabonan.
Misugod gilayon siya pagkaon. Samtang siya nagkaon, tuhaw mibandabanda sa lawak sa iyang kaisipan ang pangutana kun unsa kahay dangatan sa gugma nila ni Josheba. Ug unsaon na lang kun matinuod ang iyang pagduda nga buntis si Vanessa? Mapugos gyud siya’g pakigminyo niini.
Samtang nag-aginod ang mga gutlo, namatikdan ni Albert nga ang iyang suliran nagkabug-at. Gibati na niya karon ang kalisod sa kanunay nga paghunahuna sa maong problema.
Pagkahuman niya’g kaon, mibalik siya didto sa sala. Apan wala na didto ang iyang mama Gloria. Malagmit nga katulgon na kini ug misulod na sa iyang kuwarto.
Midiretso na lang usab si Albert sa iyang kuwarto aron makapahulay. (Sumpayan pa)