Goodbye is not Forever
Gula 79
“Nganong nasayod ka man niana, Ma?†nakapangutana si Albert nga karon miatubang sa inahan.
“Nagkita kami kaganina didto sa Tabunok,†daling tubag sa inahan.
“Kumosta man kuno siya?†ni Albert na usab.
“Maayo na man tingali’g kahimtang kadtong tawhana,†ni Nang Gloria pa. “Mitambok man gani kini.â€
Kahilom.
“Nangumosta sab siya nimo,†nagkanayon si nang Gloria pagkataudtaod. “Tingali kuno’g makaanhi siya sa ato sa sunod semana.â€
Nagpabilin gihapon sa kahilom si Albert. Dihay hilom niyang gipamalandongan. Unya, pagkilab sa pipila ka daklit, nakahukom siya nga dili na paaboton ang pagduaw ni Eking kaniya. Siya na mismo ang makigkita sa iyang higala sa pinuy-anan niini.
Ug niana dayong adlawa miadto si Albert sa panimalay nilang Eking. Ingon gani sa nakugang ang iyang higala sa kalit niyang paghitungha sa pinuy-anan niini. Iyang giingnan si Eking nga si Nang Gloria ang mibalita kaniya mahitungod sa iyang pag-abot.
“Unya, brod, kumosta ka na man?†si Eking maoy misugod sa ilang panagsulti sa dihang nakapahimutang na sila sa sopa sa sala.
“Okey lang, Brod,†ni Albert pa. “Sa gihapon, nagpaabot sa pagbalik ni Josheba.†-- Sumpayan pa
- Latest
