Goodbye is not Forever

Gula 58

 

“O, Albert, nganong ingon niana ang dagway mo?” ni Vanessa pa nga nakamatikod sa kasubo sa nawong sa ulitawo. “Angay ka unta nga malipay tungod kay makalugar kita karon dinhi,” nangumedya si Vanessa. Ug midip-ig siya sa ulitawo. Gituyo gyud niya nga mapaod ang tigson niyang dughan sa bukton ni Albert.

“Duna koy gustong isulti nimo, Van,” pormal ang nawong ni Albert nga miatubang kang Vanessa.

Mipahiyom si Vanessa. “Duna kay gustong isulti,” o duna kay gustong buhaton?” Ug gipaduol sa dalaga ang iyang mga ngabil sa mga ngabil sa ulitawo.

Milikay og diyotay si Albert. Gialihan niya sa iyang kamot ang baba ni Vanessa. Gitutokan niya ang dalaga nianang tinutokan nga daw sa nagatugkad sa pagbati niini.

Kalit nga giwakli ni Vanessa ang kamot ni Albert. Ug gibira niya ang nawong sa ulitawo. Wala na makahimo sa paglikay si Albert sa dihang giukoban sa dalaga ang iyang mga ngabil.

Mibalos na lang usab siya pag-ukob dihang misugod pagkuyamang sa iyang kahiladman ang talagsaong pagbati. Taudtaod gayod ang pagdinapatay sa ilang mga ngabil.   Mora sila’g gibayaw sa langit. -- Sumpayan pa

 

Show comments