Goodbye is not Forever - Gula 38

“U-unsay sayop?” Milubad ang tingog ni Albert.

“Mao kana, Brod,” pasabot ni Eking. “Gihukman dayon nato si Josheba. Mao kini hinungdan nga nahimo hinuon ang plano sa pagkuha sa iyang pagka-babaye aron dili na siya makaikyas gikan nimo.”

“Wa ko ikaw hisabti, Brod Eking,” ni Albert pa. “Di ba ikaw man ang nakahunahuna sa maong plano?” Unya karon nakaingon ka na nga sayop ang maong paagi?”

“Tinuod nga sayop ang maong paagi, Brod Albert,” ni Eking sa tingog nga mahuyo. “Gani guilty ako kay akoy nagsugyot kanimo sa maong plano.”

“Pagsure diha, Brod. Ayaw na ipaliko-liko ang estorya kay maglibog na hinuon ko.”

“Karon pa ako makahunahuna niini, Brod,” miingon si Eking, “nga kon imong gibuhat ang gisugyot nako, wala ka na hinuon diay dag-anan sa imong hinigugma.”

“Nga-nganong nakasulti ka man og ingon niana, Brod?” palihog pasabta ko bi.

“Tungod kay kun makakita siya’g lain didto sa Canada,” ni Eking pa, “ug iya kang limbongan, dili mo na mailhan tungod kay may nahitabo na man tali kaninyo.”

Namatikdan ni Albert nga ingon sa dihay dakong troso nga mikalit pag-ali sa iyang dughan. Mora’g nalipong siya sa iyang nadungog. Gisaog siya sa nagkadaiyang pagbati nga wala niya hisabti. -- Sumpayan pa