“Dugay ka na man nga wa magpakita nako?” niya pa. “Ni-abroad ka?”
“Naneguro lang ko nga wa nay dakop maong wa dayon ko mo-duty,” matud ko.
“Unya,” ni Tinley pa nga daw mipahunat kanako.
“Naunsa ka? Unsay unya?” nako pa.
“Dating gawi ta. Available man kaha ka ron?” ni Tinley.
“Di pa ron puyde,” matud ko. “Sayo pa. Wa pa mangahalin ang mga babaye nga akong gibugawan. Unya na lang ta. Gamay ra ko’g makuwarta kun ikaw akong unahon.”
“Unsang orasa?” sukit ni Tinley.
“Balika ko mga alas 10:30.”
“Okey.”
Naghulat gayod si Tinley nako. Mao nga dihang nahalin na ang tanang mga babaye nga akong gi-deal, gidala ko siya sa akong gipuy-an.
Higal kaayo si Tinley. Mora’g mananap nga wala’y kaon sulod na sa pila ka adlaw. Tiaw mo ba nga bisan wa ko kapanghugas iya man kining giungad taman sa ginhawa. Nahikatawa na lang ko sa hilom, sa gihimo ni Tinley.
Human namo tagaya ang dugos sa himaya, pareho kaming nagpahunas sa gibating kakutas. Paglabay sa pipila ka gutlo, mibangon ko og nag-ilis.
“Manglakaw na ba ta?” nangutana si Tinley.
“Unsa man diay?” nako pa. “Ayaw ko’g ingna nga morebansin ka pa kuwang ra man gani ning imong gihatag. -- Sumpayan pa