Rama nimando pasakaan og kaso ang legal consultants sa Kapitolyo

CEBU, Philippines — Gimando ni Cebu City Mayor Mike Rama ngadto sa mga abogado sa kagamhanan sa dakbayan nga mosang-at og kaso batok sa mga legal consultants sa probinsiya sa Sugbo gumikan sa ilang akusasyon batok kang City administrator Collin Rosell.

Una niini ang Capitol legal consultant nga sila si Rory John Sepulveda ug Benjamin Cabrido ug Provincial legal officer Donato Villa miakusar kang Cebu City Administrator ug kanhi Capitol Consultant Atty. Collin Rossell nga dunay malisyoso nga partisipasyon sa kontrobersiya tali sa Cebu City Government ug sa Metropolitan Cebu Water District” segun sa tahu sa Sugbo News ang news portal sa probinsiya sa Sugbo.

Giingon sa mga abogado sa probinsya nga legal opinion ni Atty. Rosell nga nag-ingon nga ang kontrata tali sa Cebu Manila Water Development Inc. ug MCWD usa ka grossly disadvantageous ngadto sa Provincial Government, diin mirekomendar kini nga ibaliwa ang kontrata.

Segun sa tahu angayan nga manubag si Rosell gumikan sa kalapasan sa lawyer-client confidentiality diin mao kini ang kanhi legal consultant ni Gov. Gwendolyn Garcia dihang nahibalik kini sa Kapitolyo niadtong 2019.

 “I am directing my City administrator to file a case against them who accused him of being malicious,” suma pa ni Rama

Si Rama mipasalig kang Rosell nga suportahan kini pinaagi sa mga abogado sa dakbayan ingon man sa law firm sa iyang anak.

Si Atty.Rosell, sa iyang bahin pabilin nga wa mabalaka ug miingon nga wala siya nakalapas sa attorney-client privilege tungod kay ang deal tali sa CMWDI ug sa Cebu Province napirmahan niadtong 2013 unom ka tuig sa wa pa siya mahimong Capitol Consultant.

Si Rosell nagserbisyo kanhi isip head sa Division for the Welfare of the Urban Poor (DWUP). “Even if you will examine the records, there’s no such thing as breach of confidentiality, lawyer-client…If you are consultant from 2019 to 2022 ba ron, kana nga span…Remember the document talking about the transaction with MCWD, its dated 2013. Where am I during that time? Here at the city of Cebu with Rene Mercado being the chairman of the MCWD..Therefore that document already existed,” suma pa ni Atty. Rosell. Gikan sa The Freeman, MEL  BANAT NEWS