Dunay sugyot nga mga babayeng labor attaches ang itudlo sa mga embassy o konsulado didto sa Middle East human nabulgar ang mga kasong sexual harassment diin mga lalaking attache ang nalambigit.
Ang maong sugyot gihangup sa duha ka kanhi mga babaye nga OFWs gikan sa Negros Or., kinsa ang usa kanila biyuda na sa usa ka attache diin napugos siya og minyo.
* * *
Matud pa sa usa ka OFW, kinsa ig-agaw ra sa nabiyuda na nga OFW, dugay na siya nakadungog nianang plano nga mga lady attaches ang i-assign sa mga embassy o konsulado sa Middle East.
“Tingali mga 1995 pa ako nakadungog anang planoha, nag-apply pa ko og pagka-DH,†matud pa niya.
Nalimtan na lang tong planoha ug mitumaw na sad ron human duha ka attache nalambigit sa sexual harassment didto sa Saudi.
* * *
Kining eskandal kabahin sa mga kasong sexual diin tulo ka babayeng OFW misumbong sa ilang pagkabiktima, nagpadayon pa. Init pa kini nga hilisgutan. Ug daghan ang gustong silotan ang sad-an nga mga attache kun sila mamatud-an nga sad-an gayud.
Sa usa ka public forum nga gihimo didto sa Manila, nakita nga daghan sa mga nangapil sa diskusyon gustong pul-awton ang mga lalaking attaches ug bansan dayon kini og mga babaye.
* * *
Kining kagubot bahin sa mga attache ang tua ra sa Middle East nga mga attache ang nalambigit niini. Sa atong nahibaw-an wa pa muabot kining maong eskadalo sa uban dapit sama sa Amerika.
At least, wa pay OFW nga mireklamo sa maong lugar.
* * *
TRIVIA. Maayong buntag sa atong mga higala diha sa mga parkinganan og PUJ ug taxi sa mga paradahan sa Lapulapu, Mandaue, Consolacion ug mga kasikbit nga dapit. Salamat sa inyong suporta sa Banat News.