Nagduwa’g basketball gipusil patay

CEBU, Philippines — Nakabsan sa kinabuhi ang usa ka 32-anyos nga lalake human kini gipusil sa suspetsado nga nag motorsiklo sa Sitio Holy Name, Barangay Mabolo, siyudad sa Sugbo niadtong Huwebes sa hapon, Marso 17, 2025.

Ang biktima mao si Winston Primitiva, 32,residente sa naasoy nga dapit.

Nagkanayon si Police Lieutenant Colonel Maria Theresa Macatangay, Deputy City Director for Operations ug tigpamaba sa Cebu City Police Office(CCPO) nga base sa imbestigasyon, nagduwa og basketball ang biktima sa dihang niabot ang mamumuno nga nagmotorsiklo ug gipusil ang biktima.

Nasayran sab nila nga ang biktima dugay na matud pa nalambigit sa illegal nga drugas.  Gani sa kaupat na kini nadakpan sa Mabolo Police Station 4 tungod sa pagpamaligya og illegal nga drugas. "In 2017 pa gaduwa nani siya, he has a record nga six times nadakpan around that time, three incidents nadakpan sa illegal drugs and three incidents pud nga nadakipan siya with loose firearms, so mao ni background sa ato nga biktima," sigon ni  Macatangay.  Posible matud pa nga ang naghimo sa krimen kay nalambigit sab sa illegal nga drugas. Hinoon, naa nay person of interest ang kapulisan tungod kay nag backtracking sila sa CCTV footages.   IBM BANAT NEWS