Pamilya sa batang gianod gitabangan

CEBU, Philippines — Nihatag og hinabang ang kagamhanan sa Dakbayan sa Sugbo ngadto sa nagbangutan nga pamilya sa 9-anyos nga batang lalaki human naanod sa kusog bul-og sa tubig baha niadtong Septiyembre 15, 2026 sa Barangay Binaliw.

Human sa makapasubo nga insidente ug sa pagkarekober sa patay nga lawas sa bata, ang Department of Social Welfare and Services (DSWS) gitahasan nga mohatag og P14,000 alang sa lungon sa ug paglubong sa bata. Gihatagan usab ang pamilya og pagkaon isip dugang nga suporta.

Ang maong assistance kabahin sa padayong paningkamot sa kagamhanan sa pagtabang sa mga pamilyang naapektuhan sa mga emerhensiya ug makapasubo nga mga insidente ilabi na kadtong nanginahanglan og dinaliang interbensyon ug social welfare assistance.

Samtang, gihimug-atan sab ang maong insidente sa kamahinungdanon sa pagkamabinantayon sa mga residente panahon sa kusog nga pag-uwan ilabi na sa mga nagpuyo duol sa mga sapa ug uban pang agianan sa tubig.

Ang bata naanod sa kusog nga baha sa sapa sa Sitio Gawad Kalinga sa Barangay Budlaan, gisuwayan kini og salbar sa Barangay Talamban apan nakabuhi. Ang bata nakit-an na sa Barangay Tingub sa Dakbayan sa Mandaue nga wala na’y kinabuhi. — IBM  BANAT NEWS