Rider nikaliring sa TCH, patay

CEBU, Philippines — Patay na nga nadangat sa tambalanan ang usa ka rider human kini madisgrasya sa Transcentral Highway, Barangay Cansomoroy, Lungsod sa Balamban niadtong Sabado sa buntag, Mayo 10, 2025.

Ang biktima mao si Giolo Laurente, 35 anyos, taga Ormoc City, Leyte ug driver sa bigbike nga Yamaha R3.

Base sa imbestigasyon sa Balamban Municipal Police Station nga paspas ang dagan sa motorsiklo niini gikan sa kasadpan padung sa direksyon sa Cebu City.

Apan pag-abot sa naasoy nga dapit sa kurbadahon nga bahin sa karsada nawagtangan og kontrol ug nabagnos sa karsada dayun nalahus kasampak sa railings sa kilid.

Nakaangkon kini og grabeng kadaut sa kalawsan ug nagusbat ang motorsiklo niini.

Gidala ang biktima sa Balamban Provincial Hospital apan gideklarar kining dead-on-arrival. — /IBM (BANAT NEWS)