CCPO nangusog batok VAWC

CEBU, Philippines — Subay sa pagsaulog sa National Women's Month 2025 ang Cebu City Police Office(CCPO) mas nihingusog sa ilang lakang aron batukan ang domestic violence ug abuse against women and children.

Ang maong inisyatiba gihimo pinaagi sa community policing ug collaborations nga miresulta sa pagkunhod og 25 porsyento sa overall crime rayes gikan sa mid-February ngadto na sa mid-March 2025.

Mga insidente sa violence against women sa Pebrero 4 hantod sa March 3 nagpakita og kalamboan tungod nimenus ang mga kaso sa pagpangabusar kanila.

Crime solution efficiency niabot og 100 percent success rate pag Marso, nisaka kini itandi sa 75 percent sa miaging buwan.

Inabagan sa Ronda Cebu-Juana response team nga giumol sa mga kababayen-an nga naghimo og community dialogue ug awareness.

Gipalambo nga night patrols ug Oplan Bulabog operation nakapakgang sa krimen samtang social media engagement nakapalambo sa public awareness ug visibility.

Ang maong mga inisyatiba nasubay sa flagship programs ni Police Regional Office-7 Director Brigadier General Redrico Maranan nga nagpakita sa collective commitment alang sa luwas nga komunidad.

Ubos sa liderato ni Cebu City Police Office Acting Director Police Colonel Enrico Figueroa prayoridad gyud ang seguridad ug kaluwasan sa katawhan sa siyudad sa Sugbo. — /IBM (BANAT NEWS)