CEBU, Philippines — Nipahigayon og unity ride caravan kagahapon sa buntag diha sa Plaza Independencia ang mga supporters ni kanhi presidente Rodrigo Duterte.
Ang mga pro-Duterte supporters sakay sa ilang mga motorsiklo ug mga sakyanan ang mipakita sa ilang hugot nga pagsuporta sa kanhi presidente nga karon tua sa bilangguan sa The Hague, Netherlands.
Ang caravan nagsugod diha sa Plaza Independencia, misubay sa mga major highways paingon sa lungsod sa Carmen town sa Northern Cebu ug mibalik paingon sa Talisay City sa Southern Cebu. Sa wala pa gihimo ang caravan, laing grupo sa pro-Duterte supporters ang nihimo og prayer rally and candle-lighting events sa Cebu City, Mandaue City, Lapu-Lapu City, Carcar City, ug sa lungsod sa Consolacion niadtong milabay nga mga adlaw. Suma pa ni Consolacion mayoralty candidate Bingol Villo, kinsa miyembro sa PDP nga padayon sila nga mosuporta sa kanhi presidente. Laing prayer rally ang unang napahigayon sa Barangay Mactan, nga gipangluhan ni Lapu-Lapu City mayoral candidate Paz Corro Radaza kinsa nag-awhag sa mga Oponganons nga mag ampo alang kang Duterte. Samtang si Cebu Gubernatorial candidate Pamela Baricuatro ug kanhi Cebu City Mayor Michael Rama ang nangu usab sa solidarity mass ug unity walk gikan sa Mabolo paingon sa Plaza Independencia ug gisundan sa prayer rally nga gitambongan sa libuan ka mga supporters ni Duterte niadtong miaging adlaw. The Freeman