CT-TODA ug BJMP Talisay nakadawat og bag-ong sakyanan
CEBU, Philippines — Gitagsaan og sakyanan ang buhatan sa City of Talisay-Traffic Operation Development Authority (CT-TODA) ug Bureau of Jail Management and Penology (BMJP)-Talisay.
Si mayor Gerald Anthony “Samsam” Gullas maoy nangulo sa pag turn over sa duha ka pick up nga sakyanan nga gidawat nila ni Jonathan Tumulak, pangu sa CT-TODA ug ni SJO2 Jessie Simbot sa BJMP.
Si Gullas nagtuo nga mas nindot pa nga serbisyo ang mahatag sa matag buhatan karon nga naa silay daghan nga magamit nga kahimanan.
Matud pa sa mayor nga ang sakyanan makapalambo sa oras sa pagserbisyo, hugot nga seguridad ug uban.
Dugang pa sa mayor nga ang pagtinabangay sa tanan dakong tabang alang sa kalamboan.
Dako sab ang pasalamat sa duha ka buhatan nga benipesyaryo sa duha ka sakyanan.
Ilang gipasalig nga tarungon kini sa pag gamit aron molungtad pa og dugay. (BANAT NEWS)
- Latest
