Emergency alert button app gilusad

CEBU, Philippines — Ang Police Regional Office(PRO)-7 nilusad sa "Emergency Alert Button App" nga magamit bisan og walay data o internet aron makapangayo og tabang ang publiko panahon sa emerhensiya.

Gilusad kini kagahapon diha sa Camp Sergio Osmeña Sr., siyudad sa Sugbo, Pebrero 14, 2025.

Gitambungan ang kalihukan sa mga city ug provincial directors, Cebu City Government Officials, partner agencies, stakeholders ug nagkalain-laing police units ug ang ubang niapil pinaagi sa zoom.

Si Police Brigadier General Redrico Maranan, Regional Director sa Police Regional Office(PRO)-7 nangulo sa activation sa app nga makita sa Google Playstore sa cellphones.

Matud sa heneral, gidesenyo kini nga direkta sa lokal nga mga police stations aron mas paspas ang pagresponde ilabi na sa mga balay patigayon sa tibuok Central Visayas 24 oras.

 “Our approach to policing must evolve to meet contemporary challenges. While the roles of apprehending and arresting officers remain fundamental, our focus must shift toward crime prevention. In emergencies, our responses must be immediate, calculated, and relentless. The Emergency Alert Button exemplifies our commitment to connecting individuals in need with prompt assistance, paving the way for a safer, more connected future for everyone," ni Maranan pa.

Aron pag-install niini, adto sa Google Playstore ug pangitaon ang One Button SMS app, i-install kini dayun isuwat ang "Emergency Need Immediate Police Assistance", pangalan sa establisamento, ngalan sa tagiya, contact number ug address

Dayun sa "Send to" section, i- enter  ang lima ka contact numbers sa local police station sa duol, Chief of Police, Deputy COP; ug Provincial o City COP. Human niini, ready na kining gamiton kun dunay emerhenisya pinaagi sa pagpislit sa “send button” ug kini madawat sa maong mga numero.  IBM BANAT NEWS