Oplan Galugad gihimo sa tulo ka barangay

CEBU, Philippines — Aron mapakgang ang krimen nga mahitabo dinhi sa siyudad sa Sugbo ang Cebu City Police Office pinangulohan sa ilang City Director Police Colonel Enrico Figueroa nihimo og Oplan Galugad sa Barangay Basak San Nicolas, Barangay Duljo Fatima ug Barangay Mambaling niadtong Huwebes sa gabii, Pebrero 13, 2025.

Nagkanayon si Figueroa nga sa ilang Oplan Galugad gipatuman nila ang mga ordinansa sa Cebu City sama sa pagbadlong sa mga tawo nga naghukas ug kadtong mga menor de edad nga bisan curfew na naa pa gihapon sa gawas ug nagpahigayon sab sila og checkpoint.

Kabahin kini sa programa ni Police Regional Office-7 Director Police Brigadier General Redrico Maranan nga mapakgang ang dautang plano sa mga kriminal.

"Papasukin natin ang mga lugar na alam natin na posibleng pinagtataguan ng mga wanted persons, so papasukin natin ang mga lugar na yan but we will still observe the rule of law," sigon ni Figueroa.

Nasayran nga giuna sa CCPO ang area sa Police Station 11 tungod kay sulod sa duha ka buwan lima ka shooting incidents ang natala sa lugar.

Atol sa Oplan Galugad sa kapulisan naa sila'y nadakpan nga wanted person, nakalapas sa COMELEC Gun ban ug naghupot og illegal nga drugas nga karon nagtingkagol na sa prisuhan.  Ang maong operasyon kanunayon na sa tanang police stations sa tibuok siya sa umaabot nga mga adlaw. — Romeo T. Limpangog, IBM BANAT NEWS