Giunay og tulis ang silingan, nadakpan

CEBU, Philippines — Gibalhog sa prisuhan ang usa ka habal-habal driver human gidakop kay giingong giunay og tulis ang ilang silingan diha sa M. Velez Street, Barangay Guadalupe, siyudad sa Sugbo niadtong Huwebes sa buntag.

Ang biktima usa ka 18-anyos nga dalagang tinun-an nga nagpuyo sa naasoy nga dapit samtang ang suspek mao si alyas Jonas, 22, silingan niini.

Sa impormasyon sa Guadalupe Police Station 9 Cebu City Police Office ang biktima naglakaw sa dapit dihang kalit lang kining gitionag kutsilyo sa suspetsado.

Gumikan sa kahadlok sa biktima gihatag niya iyahang cellphone ngadto sa suspect nga nagkantidad og P8,000.  Apan ang suspetsado nihimakak sa pasangil batok niya.  Sigon pa niya nga alas- 2 sa kadlawon sa maong adlaw niuli siya sa ilaha gikan nakig-inom sa ig-agaw ug mga higala duol sa ilang balay. Natingala matod pa nga gipukaw siya Huwebes sa gabii ug bisan matod pa nisuyop ug nakainom giingong wala siya nanulis.

Midugang ang dinakpan nga naa siya'y mga testigo nga natulog siya anang orasa dihang gitulis ang biktima.  Ang suspetsado nadakpan atol sa follow up operation sa kapulisan human nagpatabang ang biktima.  IBM  BANAT NEWS