Top 5 most wanted sa Rehiyon-7 sikop

CEBU, Philippines — Nasikop sa mga operatiba sa Criminal Investigation and Detection Group (CIDG) Negros Oriental Provincial Field Unit ang usa ka no. 5 regional most wanted person sa Rehiyon-7 pinasikad sa warrant of arrest didto sa terminal sa Barangay 37, Bacolod City, Negros Occidental niadtong Domingo sa hapon.

Ang suspetsado mao ang 40-anyos nga lalaki, minyo, construction worker, nagpuyo sa Barangay San Jose, Bayawan City, Negros Oriental.

Ang tracker team sa CIDG Negros Oriental Provincial Field Unit nagpahigayon og manhunt operation nga miresulta sa pagkasikop sa suspetsado.  Base sa PNP E-Warrant System nabutang isip no. 5 regional most wanted person ang suspetsado.

Nalutsan kini og warrant of arrest sa kasong two counts of rape.

Si Regional Trial Court (RTC) Judge Maria Myla Rae Santos-Orden sa Branch 63 sa Bayawan City ang niisyu sa warrant of arrest batok sa suspetsado nga penetsahan og Disyembre 18, 2024.

Ang korte wala morekomendar og piyansa alang sa temporaryong kagawasan sa suspetsado. (BANAT NEWS)