Lalaki nga niluwas sa duha ka bata gipasidunggan sa Talisay

CEBU, Philippines —  Gipasidunggan sa kagamhanan sa Dakbayan sa Talisay ang usa ka lalaki nga nakasalbar sa duha ka bata atol sa sunog nga miigo sa sitio Antonio, Barangay Linao niadtong miaging semana.

Si Gian Esmajer midawat sa plaque, goods ug cash gikan sa kagamhanan sa siyudad sa Talisay human sa gihimo nga flag raising niadtong Lunes sa buntag.

Una niini, miigo ang sunog sa usa ka panimay pero si Esmajer nga nakabantay sa mga bata dali nga nibalik ug giluwas ang duha.

Matud pa ni Gullas nga ang gibuhat ni Esmajer usa ka bayanihon kay bisan paman sa ka delikado iyang gihimo ang pagluwas sa duha ka kinabuhi sa mga anghel.

Nagkanayon ang mayor nga dili tanan bayani nagsul-ob og kapa tungod kay bisan paman sa ka ordinaryo sa usa ka indibidwal mamahimo siyang bayani gumikan sa iyang binuhatan.

Nanghinaot si Gullas nga ang gibuhat ni Esmajer magsilbi unta nga sumbanan sa tanan dili lang sa mga Talisaynon.

Ang iyang gibuhat dili malimtan sa mga bata nga iyang giluwas.