Garcia gipasidunggan sa Academy of Presiding Officers

CEBU, Philippines — Gipasidunggan ang kabantog sa paghimo og palisiya ni Cebu City Mayor Raymond Alvin Garcia diin nakadawat siya og Certificate in Local Public Policymaking gikan sa Academy of Presiding Officers atol sa ilang panagtapok sa Vice Mayors' League of the Philippines ngadto sa Quezon City. Ang maong programa giorganisar kini sa VMLP pinaagi sa pagpakigtambayayong sa University of the Philippines Center for Local and Regional Governance (CLRG).

Base sa report sa Cebu City Public Information Office nga ang awarding ceremony nagtimaan kini sa pagtapos sa 6th cycle sa programa nga nagdagan gikan sa Septiyembre 2023 hangtud sa Hunyo 2024.

Ang maong programa nagtumong sa paghatag og gahum sa mga lokal nga lider sa paghimo og bag-ong mga solusyon sa legislative nga nagtubag sa mga dinalian nga isyu sa ilang mga komunidad.

Mahinungdanon alang kang Garcia ang pagdawat niya sa maong pasidungog isip usa ka tigpangalagad sa publiko gumikan kay mao kini naghatag og kalig-on alang sa maayong pagpangalagad ug maayong tumong ug ipadayon ang makahuloganong kausaban sa Dakbayan sa Sugbo.

Mao kini ang kataposang pakigtapok ni Garcia sa iyang mga kaubang bise mayor lukop nasud human siya nihural isip mayor sa Dakbayan sa Sugbo niadtong buwan sa Oktubre niining tuiga. BDB BANAT NEWS