Nilugos sa 14-anyos nga uyab gidakop

CEBU, Philippines — Gipadakop ang 20-anyos nga lalake human gireklamo sa pamilya sa 14-anyos niya nga kanhi uyab nga bag-ohay lang sab niyang gikabalik kay matud pa iyaha kining gihilabtan.

Ang pagdakop nahitabo niadtong Miyerkules, Disyembre 4,2024 diha sa Barangay Bulacao, siyudad sa Sugbo.

Ang gidakop nga 20-anyos nga lalake nagpuyo sa Banawa samtang ang biktima taga Barangay Kinasang-an, siyudad sa Sugbo.

Sa imbestigasyon sa Inayawan Police Station 7 Cebu City Police Office (CCPO) nga ang suspek ug ang biktima managuyab kaniadto apan nagbuwag na.

Apan nagkaestoryahanay og balik ang duha ug nihangyo ang suspek nga mag date sila.

Tungod kay wala may kwarta ang suspek nisugyot kini nga adto sila sa balay sa iyang amigo sa diha sa may St. Jude, Barangay Bulacao ug nisugot sab ang biktima.

Dihang nagkita giingong nagkauli ang maayong relasyon sa duha ug didto na nahitabo ang giingong sexual intercourse sa duha.

Nasayran nga nanawag ang biktima sa igsuon, apan ang maguwang daw nakasabot nga dunay nahitabo sa duha nga dili angayang mahitabo human nitug-an ang biktima nga nagbalik sila sa suspek.

Ang igsuon nisumbong dayun sa ilang apohan kinsa maoy nidakop sa suspek ug gitugyan kini sa police station.

Apan ang suspek miinsister nga wala niya gipugos ang biktima sa pakighilawas. Apan gipasabot sa kapulisan nga gumikan kay menor de edad ang biktima mapasakaan gihapon og kasong statutory rape ang suspect.  IBM BANAT NEWS