Garcia nanamilit isip vice president sa Vice Mayors League

CEBU, Philippines — Si Cebu City Mayor Raymond Alvin Garcia ang atoa karon sa kaulohan aron manamilit isip national executive vice president sa Vice Mayors League of the Philippines.

Si Garcia natudlo sa maong posisyon niadtong Pebrero 2023 apan tungod kay nahimo na siya nga mayor sa Dakbayan sa Sugbo niadtong Oktubre 9, 2024 kabahin na siya karon sa League of the Cities of the Philippines.

Kasamtangang nakigsaulog si Garcia sa Christmas party sa tanang mga vice mayor lukop nasud sa kataposang higayon ug alang sa pa-turnover sa iyang mga katungdanan ngadto sa mosunod og hupot sa posisyon isip executive vice president. Si Garcia mao usab ang pangulo sa Vice Mayor’s League dinhi sa Sugbo ug gihulipan na siya karon ni Balamban Vice Mayor Alfie Binghay.

Gibutyag ni Garcia nga walay nahitabo nga pormal nga turnover sukad pa sa iyang paghural isip mayor apan gikatakda nga magtapok ang tanang bise mayor sa Sugbo alang sa pagsaulog sa ilang Christmas party ug sa maong higayon na lang usab ipahigayon ang pormal nga turnover. BDB BANAT NEWS