DVMF mipasalig nga dunay igong supply sa karne

CEBU, Philippines —  Ang hepe sa Department of Veterinary Medicine and Fisheries kon DVMF Chief Dr. Alice Utlang nipasalig nga adunay paigo nga supply sa karne sa manok ug baboy ning panahon sa holiday season.

Kini taliwa sa padayong cross-border restrictions gumikan sa African Swine Fever (ASF).

Matud pa ni Utlang, adunay sakto nga supply sa karne lokal man o imported hinungdan nga wala ray angay nga kabalak-an.

Sumala pa usab ni Utlang, padayon ang ilang monitoring sa mga baligya ug ilang giseguro nga tanang makaon sa mga tawo nga karne luwas gayud kini nga gipamaligya ngadto kanila.

Gitug-an ni Utlang, sa panahon nga adunay dili maayong lakat sa panahon maapektahan gayud ilang kahayupan ilabi na kung dili kini nila ipasilong.

Ang assistant head sa DVMF Dr. Jessica Maribojoca mipahibawo nga mokabat sa 50 ka tonelada nga karneng babaoy ug ubang pork products ang gipaabot nga ibaligya sa mga merkado sa dakbayan karong holiday season.

Nasayran kadaghanan sa supply sa karne sa dakbayan naggikan sa probinsiya sa Bohol human nidawat na ang dakbayan sa Sugbo og mga live hogs gikan sa Bohol duha ka buwan na ang milabay human gilibkas sa mga otoridad ang ASF restrictions.

“We are expecting gyud karun nga siguro maintain lang kay due to the number of hogs nga ga-arrive sa siyudad sa Sugbo kay nagka source man ta og baboy gikan sa Bohol,” ang pamayag ni Maribojoc pinaagi sa Sugboanon channel.