Sunog sa Lapu-Lapu midanyos og P720 mil

CEBU, Philippines — Mokabat sa P720,000 ang gibiling danyos sa sunog kagahapon sa alas 7:50 sa buntag diha sa sitio Seaside Bridgeway sa Barangay Pajo sa siyudad sa Lapu-Lapu.

Suma pa ni fire superintendent Tito Purgatorio, Fire Marshall sa Lapu-Lapu City Fire District nga gipaubos nila sa first alarm ang sunog nga nikaon sa panimay nga gipanag-iya ni Victor dela Pena nga gipuy-an usab sa anak niini nga si Genevive dela Pena.

Dali nga niresponde ang ubang kabomberohan sa dakbayan ug alas 8:25 sa buntag hingpit nga napawong ang kayo.

Si Fire Officer 3 Rowel Brananola, imbestigador sa kabomberohan sa maong dakbayan   miingon nga padayon pa ang ilang imbestigasyon sa kalit nga pag-ulbo sa sunog.  Hinuon si Brananola miingon nga walay gikataho nga naangol o kinabuhing nakalas atol sa maong hitabo. (BANAT  NEWS)