CEBU, Philippines — Nagkig-alyansa ang Partido Barug ni suspended mayor Michael Rama sa Bag-Ong Sugbo nga gisugdan ni Konsehal Franklyn Ong kinsa pangulo sa Liga ng mga Barangay sa dakbayan aron nga mapadayon ang katuyuan nga makab-ot ang kinatibuk-an nga pangandoy sa mga Sugboanon alang sa usa ka “Singapore-like Cebu City with Melbourne features.”
Atol sa pinirmahay tali sa duha ka partido, gi-anunsyo na sab nga molansar si Ong pagka-kongresista sa amihanang distrito ug subling magpapili sa habagatang distrito si Kongresista Edu Rama Jr.
Si Kong. Rama sakop sa Partido Barug apan gibutyag ni Cebu City acting Mayor Raymond Alvin Garcia nga gikonsiderar nila siya nga ipasilong sa partido Kusog.
“When we took our oath as Partido Federal, naa man na silay coalition with Lakas-CMD and among others. So there is already a rule, I don’t know if it is written or unwritten, og naa gani incumbent nga part of the coalition nga modagan, dili na ta pwede mobutang. Aside from the fact nga amigo kaayo nako si Edu and I’ve seen him help the City of Cebu, so there’s a big chance a possibility that we will be endorsing Edu Rama for the South District,” pulong pa ni acting mayor Garcia.
Bisan pa man og mipatim-aw si Rama sa pinirmahay tali sa duha ka lokal nga partidong politikal ubos nilang Rama ug Ong, respetuhon kini ni Garcia.
Dili pa lang dugay, gipaila-ila na sab si Rama nga lakip sa posible nga kandidato nga mopasilong sa Partido Barug. – IBM BANAT NEWS