Motor nasampak sa barrier, rider patay

CEBU, Philippines — Patay ang usa 24-anyos nga motorista human kini nabangga sa barrier diha sa Imus Road, Barangay Lorega San Miguel, siyudad sa Sugbo kagahapon sa buntag.

Ang biktima mao si Carl Joseph Sabandal Optima, 24, residente sa Barangay Calamba, siyudad sa Sugbo.

Base sa imbestigasyon sa Traffic Enforcement Unit sa Cebu City Police Office (CCPO) giingong kusog ang dagan sa motorsiklo gikan sa north paingon sa south.

Pag-abot matud pa sa biktima sa dapit nisuway kini og likay sa van nga mi U-turn sa designated slot apan giingong nawagtangan siya og kontrol sa motorsiklo ug nabangga sa road barrier ug nalabay ang biktima sa karsada.

Tungod sa kakusog sa pagbangga, nabuak ang gisuot niining helmet ug nakaangkon siya og grabeng kadaut sa ulo ug kalawasan, gidala kini sa Cebu City Medical Center apan gideklarar nga dead-on-arrival. — /IBM (BANAT NEWS)