CEBU, Philippines — Si Acting Cebu City Mayor Raymond Alvin Garcia subling niawhag atol sa kalihokan sa Cebu Now Na nga magtinabangay ang tanan aron masulbad ang mga problema nga giatubang sa siyudad.
Ang Cebu Now Na usa kini ka kalihokan nga adunay concert nga gitambongan sa pipila ka mga opisyal sa siyudad nga gipangulohan ni Garcia diin gipahigayon kini diha sa sulod sa inila nga hotel sa South Road Properties niadtong Martes sa gabii.
Matud ni Garcia nga dili masulbad ang problema kong walay pagtinabangay ilabi na ang mga kabatan-onan.
Giingong ang Cebu Now Na usa ka socio-political initiative nga nagtumong alang sa dinalian nga lakang aron matubag ang dugay na nga mga suliran sa siyudad.
Adunay mga banda usab nga nilingaw atol sa maong kalihokan lakip ang pipila ka Cebuano blogger ang nitambong sa maong kalihokan. (BANAT NEWS)