CEBU, Philippines — Tungod sa dautang panahon, upat ka mga sakyanan sa kadagatan ang nangalunod ug usa ang nakalas sa Cat Island sa Lungsod sa Panglao, Probinsya sa Bohol pasado alas 11 sa buntag kagahapon, Huwebes, Septiyembre 12, 2024.
Base sa pasiunang impormasyon nga gihatag Coast Guard District Central Visayas ang unang insidente nahitabo gilangkuban sa pagkalunod sa tulo ka RBCA Margie 2, RBCA Plaza 2 ug RBCA Leah Mae.
Matud pa sa PCG nalunod kini tungod sa nasinating dautang panahon nga nagdala og kusog nga hangin tungod sa habagat ug nakaingon sa dagkong bawod ug pagulan-ulan.
Gilusad sa PCG ang rescue operation ug naluwas ang 20 ka pasahero.
Nasundan kini og laing bangka nga nalunod nga Memar Nico. Gikataho nga namatay ang boatman niini nga si Lito Vistal, 62. (BANAT NEWS)