CEBU, Philippines — Giila karon ang Siyudad sa Mandaue isip top performing sa mga highly urbanized cities lukop nasud base sa taho sa Bureau of Local Government Finance.
Ang maong pasidungog nga nadawat sa Siyudad sa Mandaue maoy nahimong bunga sa panagtambayayong sa executive department nga gipangulohan ni suspended Mayor Jonas Cortes ug Atty. Regal Oliva, Mandaue City treasurer.
Nipadayag ang Bureau of Local Government Finance nga ang Siyudad sa Mandaue maoy highest (top 2) sa Year-On - Year Growth sa Local Sourced Income sa tuig 2022-2023 sa mga highly urbanized cities sa tibuok Pilipinas.
Sa maong pasidungog nga naangkon sa siyudad nagpakita kini sa nagpadayon nga pag-usbaw pinaagi usab sa gipatuman nga mga programa.
"I am incredibly proud of the treasury and assessment teams for their relentless dedications, of course to the people of Mandaue, thank you for your continued trust and partnership in building a better city for all", padayag ni Oliva. (BANAT NEWS)