CEBU, Philippines — Mipasidaan ang buhatan sa Mayor sa Minglanilla bahin aning Facebook Account nga nagdala sa pangalan ni Mayor Rajiv Enad nga kini peke ug dili iyaha sa mayor.
Si Enad nanawagan sa katawhan nga dili magpailad niini. Matud pa sa Facebook post sa mayor nga ni add ug ni private message ang peke nga account.
Ang maong pekeng account matud pa mipahibawo kini sa mga netizens nga nga aduna siyay ipanghatag nga bugas apan dili kini tinuod.
Gani ilaha sab kini gisuwayan sa pag-chat ug mitubag matud pa ang nagdala sa messenger ug nangayo na kini og gcash number karon aron padad-an og salapi.
Nagkanayon si Enad nga pulos pagpangilad ang nahitabo ug dili gyud kini angay nga tuohan. Nasayran, pipila sab ka opisyal sa Talisay ang gihimoan sab og mga peke nga account.
Walay bisan usa nga nahibaw-an kung kinsa ang naghimo niini. Gituohang gituyo kini paghimo aron sabotahion ang maong mga opisyal ug maguba ang imahe ngadto sa publiko sanglit ang mga gipanaad sa fake accounts nga ipanghatag dili man tinuod apan magtuo ang mga tawong nagpaabot o gipangsaaran nga nangilad lang sa maong mga opisyal ug sila maoy madaut sa mata sa katawhan. (BANAT NEWS)