CEBU, Philippines — Mokabat sa P50,000 ang gibiling danyos sa nasunog nga business establishment nga nahimutang sa Block 12, Lot 42 sa DECA Homes sa Barangay Basak, Siyudad sa Lapu-Lapu kagahapon sa kadlawon, Lunes Septiyembre 2, 2024.
Suma pa ni Senior Fire Officer One Orietuele Baguio, imbestigador sa Lapu-Lapu Fire District Office nga ang nasunog mao ang New Care Advertising nga gipanag-iya ni Leo Logronio ug giukopahan nila ni Emilyn Ruiz ug laing tulo pa ka mga kauban.
Hingpit nga napawong ang kayo mga alas 5:56 sa buntag ug wala na makatapon sa ubang mga edipisyo ang kayo.
Suma pa ni SFO1 Baguio nga wala pa nila matino ang hinungdan sa maong sunog tungod kay mohimo pa sila og dugang imbestigasyon.
Samtang walay naangol o kinabuhing nakalas atol sa maong hitabo. (BANAT NEWS)