CEBU, Philippines — Ang Augustinian Friars sa Basilica Community niluwat og bag-ong palisiya kabahin sa bag-ong dress code kon mosulod diha sa Basilica Minore del Santo Niño de Cebu.
Tumong sa maong bag-ong palisiya pagpakita og pagtahod sa sagradong balay-ampoanan.
Sugod karong Oktubre 1, 2024, ang Basilica dili na moandam og shawl alang sa tanang mga bisita ug aron nga mapadayon ang solemnidad sa maong lugar ang dili magsul-ob og desenteng bisti dili na kini pasudlon.
Ang bag-ong palisiya usa kini ka lapad nga paningkamot nga naobserbahan sa ubang lokal ug international nga mga simbahan. Subay niini, ang mga turista nga mobisita sa Basilica matag Biyernes ug Domingo hangtud lang una kini sa gawas kong dili mosalmot sa Santos nga Misa.
Ang Basilica Community nagpasalamat sa pagsabot ug kooperasyon sa tanang bisita ug deboto ni Señor Stanto Niño samtang ipatuman ang mga kausaban. — /BDB (BANAT NEWS)