CEBU, Philippines — Patay ang 41-anyos nga lalaki human ang iyang gidrayban nga awto midasmag sa usa ka balay diha sa sitio Libo, Barangay Mohon, Dakbayan sa Talisay niadtong Miyerkules sa hapon.
Ang namatay usa ka 41 anyos nga taga Labangon, Syudad sa Sugbo.
Si Jonathan Tumulak, pangu sa City of Talisay-Traffic Operation Development Authority (CT-TODA) nga paingon sa lungsod sa Minglanilla ang namatay.
Apan nabantayan nga nag ekis-ekis na ang iyang dagan hangtud nga nibangga gyud sa panimay sa 78 anyos nga lalaki. Napiit ang namatay hinungdan nga naglisod sila sa pagkuha niini.
Nagkanayon si Tumulak nga nabantayan sa iyang mga sakop ug sa mga sakop sa emergency team nga naghagok ang namatay ug nagbuwa ang baba samtang padayun kining gikuha.
Gidala nila kini sa tambalanan apan gideklarar kini nga dead on arrival, gidudahan nga giatake ang namatay sa dihang nagmaneho sa awto. Ang 78 anyos nga tag-iya sa balay nasamdan apan wala ra sab kini magrabihi.— IBM BANAT NEWS