CEBU, Philippines — Gibutyag ni Acting Cebu City Mayor Raymond Alvin Garcia kagahapon atol sa openline interview nga nalangay ang pag-re-print sa mga PWD ID tungod kay kasamtangang nangita pa siya og budget alang niini.
Tumong sa maong re-printing ang pagsulbad sa isyu kabahin sa giingong pagbaligya og mga pekeng ID sa PWD.
Ang maong isyu nitumaw niadtong Hunyo 2024 ug matud ni Garcia nga walay labot sa budget karong tuiga ang pag-ilis sa ID sa PWD.
Padayon nga nangita si Garcia kong asa mamahimo nga makakuha og pundo apan og wala gyud siya’y makit-an adto na siya mokuha sa budget sa tuig 2025. (BANAT NEWS)