CEBU, Philippines — Giaprobahan kagahapon sa hunta probinsiyal ang P78.2 milyones nga Supplementary Annual Investment Program (AIP) karong tuiga.
Atol sa regular session kagahapon sa hunta probinsiyal giaprobahan usab sa August body sa una hangtud sa ikatulong pagbasa ang ordinansahaon alang sa supplemental budget sa susamang kantidad sa general fund karong tuiga.
Samtang ang AIP mao ang tinuig nga bahin sa Local Development Investment Program nga gilangkuban sa kinatibuk-ang resource requirements sa tanang programa proyekto ug kalihokan sa usa ka lokal nga kagamhanan.
Matud sa provincial secretary nga human sa pag-aproba sa provincial board gidala dayon kini ngadto sa buhatan sa gobernador ang maong mga resolusyon ug ordinansa aron mapirmahan kini ni Gobernador Gwendolyn Garcia.
Lakip sa supplemental budget mao ang P39 milyones alang sa cash incentives sa mga empleyado sa Kapitolyo gikan sa elective, appointive, permanent, casual ug coterminous diin matag usa makadawat og P30,000.
Samtang tag P20,000 usab sa mga job order (JO) alang sa compensation premium. (BANAT NEWS)