Moabot sa P65 milyones nga kantidad sa imprastraktura ang gibubo sa lungsod sa Carmen partikular ang pagtukod sa Carmen Public Market ug barangay road networks.
Si Kongresista Duke Frasco maoy nangulon sa ground breaking sa P50 million nga Carmen Public Market ug P15 million nga kantidad sa pagpasemento sa usa ka barangay road.
Ang merkado publiko gipaabot nga makatabang pagpalambo sa lokal mga ekonomiya sa lungsod samtang ang Cantipay nga dalan maagian padung sa Barangay Puente nga magsilbing alternatibong dalan sa mga dalan nga mopadulong sa mga sudlonon nga barangay sa Carmen. Didto sa lungsod sa Poro, isla sa Camotes moabot pud sa P11.25 million nga kantidad sa proyekto ang gibubo sa Kapitolyo. Apil sa proyetko ang LED wall nga 25.80 metro kwadrado ang sukod nga nahimutang sa municipal plaza sa Brgy. Eastern Poblacion.
P1 million ang nagasto alang pud sa playground sa mga bata sa Seaview Park. Samtang usa pud ka sea-viewing area, ang gibuksan sa publiko nga nagkantidad P2.25 milyones gikan sa Kapitolyo. — /IBM (BANAT NEWS)