CEBU, Philippines — Nagmalampuson ang duha ka adlaw nga Simultaneous Anti-Criminality Law Enforcement Operation (SACLEO) gikan sa Agosto 12 hangtod sa petsa 14, 2024 sa nagkadaiyang police units sa Police Regional Office (PRO)-7.
Moabot og 1,304.04 gramong gituohang shabu nga nagkantidad og P8.8 million ang nasakmit ug nasikop ang 85 ka mga indibidwal. Nihimo sab sila og 88 ka operasyon batok illegal gambling diin 111 ka mga tawo ang nadakpan ug kapin sa P10,000 nga bet money ang nasakmit.
Sa loose firearms ang mga nagkalain-laing units sa PRO-7 nakahimo og 30 ka operasyon ug 31 ka mga armas ang nasakmit ug gi-surrender ug 11 ka tawo ang nasikop.
Samtang sa wanted persons, 68 ka tawo ang nadakpan diin 59 niini other wanted persons ug siyam ang most wanted persons. (BANAT NEWS)