CEBU, Philippines — Giawhag sa Cebu City Transportation Office ang mga motorista sa pag-settle sa ilang pending violations sulod sa tulo ka adlaw aron dili kini mapasakaan og kaso.
Kini ang gipahibalo ni CCTO Assistant Operations Head Jonald Bautista.
Base sa taho sa CCTO adunay 1,789 ka traffic violators sa nilabay nga tuig ang gikiha apan 894 lang ang ni-settle sa ilang penalties human gipadalhan og summon sa korte.
Si Bautista niawhag sa mga nakalapas sa lagda sa trapiko nga dili na huwaton nga ang ilang violation moabot ngadto sa korte.
Gibutyag ni Bautista nga kasagaran sa mga malapason sa nalakalabay nga tuig mga driver sa PUV lakip usab sa pipila ka mga taxi, modernized and tradition jeepneys.
Kadaghanan sa mga gikiha tungod sa kalapasan sa wala pagsunod sa traffic signs ug signals, paghunong sa dili jeepney stop ug uban pa. Karon tuiga lang gikan sa buwan sa Enero ngadto sa Hunyo ang CCTO nakakiha na og 324 ka motorista diin 213 niini ang ni-settle na sa ilang penalties. BDB BANAT NEWS