CEBU, Philippines — Hingpit nga gibuksan ang mga kalihokan sa ika-55th Charter Day Celebration sa Dakbayan sa Mandaue pinaagi sa usa ka parade.
Lakip sa giparada ang Mr. and Ms Charter 2024 uban sa ilang mga atlera nga sakop sa nagkadaiyang team nga mga kawani sa lokal nga kagamhanan sa dakbayan ug nasudnong buhatan. Misalmot sa parade ang mga sakop sa kapolisan, Bureau of Jail Management and Penology, Department of Health DOH-7 ug uban pa.
Si Mandaue City Mayor Jonas Cortes pormal nga niabli sa mga kalihokan inubanan sa mga kawani sa nagkalain-laing departamento sa siyudad.
Napili nga Mr. Charter 2024 ang representante sa Accounting, Budget and Assessors` Office ug Miss Charter 2024 ang City Treasurer’s Office.
Dayag usab ang suporta sa mga konsehales nga sila si Maline Cortes-Zafra, Jen Del Mar, Jimmy Lumapas, Cynthia Cinco-Remedio, Malcolm Sanchez, Oscar Del Castillo.
Nanambong usab ang mga Barangay Officials pinangulohan ni ABC President Dante Borbajo ug SK Federation President Gayle Jumao-as kauban sa mga SK Chairman. (BANAT NEWS)