Ground breaking sa building sa CCPO ipahigahon sunod buwan
CEBU, Philippines — Giplanohan sa kagamhanan sa Dakbayan sa Sugbo nga sa sunod buwan himuon ang ground breaking sa renovation sa bag-ong building sa Cebu City Police Office (CCPO).
Kini maoy gipahibawo ni Acting Cebu City Mayor Raymond Alvin Garcia atol sa pakigkita niini sa kapolisan sa CCPO kagahapon sa buntag.
Ang bag-ong building sa CCPO anha gihapon ihimutang sa Camp Sotero Cabahug sa Gorordo Avenue, Barangay Kamputhaw, Siyudad sa Sugbo.
Matud ni Garcia nga P50 milyones ang gigahin nga pundo sa siyudad alang sa maong proyekto diin tulo ka tuig na kini nga nalangan.
"This was three years in the making...We're just working out the finalization of the Program of Works and Estimates and then once that is already finish bidding and the hopefully ma bid nana this month so that in September you are all invited to the ground breaking", padayag ni Garcia.
Gihulagway ni Garcia nga importante nga nindot ug bag-o ang resources sa Cebu City Police Office aron mas epektibo sa trabaho ang kapolisan.
Gihangop ni CCPO Acting City Director Colonel Antonietto Cañete ang maong kalamboan. — BDB BANAT NEWS
- Latest
