Mga sakop sa GAD dili mamolitika

CEBU, Philippines — Angayan nga ipakita sa mga sakop sa Gender and Development kun GAD ang ilang dedikasyon sa trabaho og dili lakipan og pamolitika.

Kini ang gipadayag sa executive director sa Cebu City Women and Family Affairs Commission, Jojo Lingaolingao atol sa kalihukan sa ilang anibersaryo nga dunay tema nga “Empowering Humanity, Gender Equality, as Fundamental Rights,” nga gipahigayon diha sa Sawang Calero Gym niadtong Martes.

Matud pa ni Lingaolingao angay buhaton sa GAD kung unsay sakto nga serbisyo nga labaw sa kaugalingon ug walay sagul nga bulok sa politika, tungod kay kinahanglan dili ihikaw ang serbisyo ilabi na ngadto sa mga kabus.

Dugang pa niini nga ang trabaho sa GAD dili ang politika, dili ang nagsingabot nga election kun dili ang ilang passion ug dedication sa pagserbisyo ilabi na nga sila mga public servants sa katawhan. (BANAT NEWS)