Cebu City library dunay section alang sa mga visually impaired

CEBU, Philippines — Ang Cebu City Public Library mohatag og serbisyo ngadto sa mga residente nga dunay deperensya sa panan-aw nga mogamit sa pasilidad alang sa ilang research.

Kini nahimong posible nonot sa paggamit sa electronic braille devices nga dunay lahi nga section sa library.

Suma pa ni Leoniver Gaquing, acting head sa CCPL’s Braille Section nga ang maong section naghatag og serbisyo ngadto sa mga batan-on nga mga estudyante ingon man sa mga professionals.

Dugang pa ni Gaquing, kinsa usa ka licensed professional teacher, nga ang maong serbisyo gihatag ngadto sa sama kanila nga visually impaired persons usa ka pamaagi aron maghatag kanila og kapabilidad sa matag adlaw nila nga panginabuhi. Lakip sa gihatag nga serbisyo mao ang paggamit sa assisted devices and applications sama sa electronic Braille displays and screen readers nga naghatag og text-to-speech input.

“Gipahaom naman sa teknolohiya. Bisan gipauwahi nami sa panan-aw, dili gyud mi magpa-uwahi sa technology. Catch up gyud mi,” suma pa ni Gaquing nga nahinabi pinaagi sa Sugbuanon Channel.

Suma pa ni Gaquing nga ang maong device dili lang magsilbi nga keyboard sa mga visually impaired, apan makahimo usab kini sa pag interpret og data ngadto sa Braille sa higayon nga makonektar kini sa personal computer.

“So aside nga makabasa mi ani, pwede sad mi makasuwat. Kung naka-connect ni siya og monitor, mabasa sad namo kung unsay naka-output sa computer through Braille,” segun pa ni Gaquing.

Alang niadtong nagtinguha sa pagkat-on sa paggamit sa maong mga devices, ang city library adunay trainings sa mga visually impaired isip kabahin sa ilang digital literacy program. (BANAT NEWS)