Dakbayan sa Naga manghatag og school supplies sa mga tinun-an

 CEBU, Philippines —  Dili mominos sa 30 mil ka mga tinun-an sa Dakbayan sa Naga ang makadawat ug school supplies gikan sa kagamhanan.

Ang lokal nga kagamhanan manghatag ug school supplies sa tanang mga pampublikong tunghaan nga anaa sa maong dakbayan.

Ang ipanghatag mao ang notebooks ug writing pads ngadto sa mga tinun-an sa kinder hangtud sa Grade 12.

Ang pagpang-apod-apod maoy kabahin sa suporta ni Mayor Valdemar Chiong uban sa mga kaubanan niining opisyal sa pagbalik na sa pagtungha sa kabataan.

Ang mga tinun-an sa Grade 1 ngadto sa Grade 10 makadawat ug walo ka notebooks samtang sa Grade 11 adunay 16 ug 15 sa Grade 12.  Ipahibalo ra usab ngadto sa mga tunghaan ang schedule sa pagpanghatag ngadto sa mga tinun-an. (BANAT NEWS)